Döyüş və ekstrim səhnələri təhlükəsiz və real şəkildə həyata keçirən komandamızla tanış olun
Film və teatr üçün müasir dövrə aid döyüş səhnələrinin xoreoqrafiyasını qururuq. Peşəkar döyüş xoreoqrafları və tryuk koordinatorları işə cəlb olunur, ssenari üzərində araşdırmalar aparılır, döyüşlər personajlara uyğun qurulur
Film və teatr üçün keçmiş dövrlərə aid döyüş səhnələrinin xoreoqrafiyasını qururuq. Peşəkar döyüş xoreoqrafları və tryuk koordinatorları işə cəlb olunur, ssenari üzərində araşdırmalar aparılır, döyüşlər personajlara uyğun qurulur
Aktyorların edə bilmədiyi təhlükəli tryukları biz edirik. Bu iş peşəkar dublyorların işidir. Öncədən xüsusi hazırlıqlar görülür və layihəyə cəlb olunması üçün kaskadyorlar arasından aktyora uyğun dublyorlar seçilir
Kaskadyor təlimi, fiziki hazırlıq, çeviklik və təhlükəsizlik biliklərini əhatə edən peşəkar hazırlıq prosesidir. Bu təlimlərdə iştirakçılar döyüş səhnələri, tryuklar və xüsusi effektlərlə işləmə texnikalarını öyrənirlər
Aktyorların müasir və tarixi döyüş səhnələrinə psixoloji, fiziki və texniki hazırlığı bizim peşəkar təlimatçılar tərəfindən aparılır. Onlara həmçinin təhlükəsizlik qaydaları da mütləq şəkildə öyrədilir
Atlar psixi və fiziki vəziyyətlərinə görə bizim peşəkar atçılar tərəfindən yoxlanılıb seçilir və çəkilişlərdən öncə atlara xüsusi təlimlər keçirilir. Həmçinin, akrtorların məşqləri üçün də xüsusi atlar hazırlanır
Bizim peşəkar koordinatorlarımız yerli və xarici kaskadyorların təşkilatlanmasını, bir araya gəlməsini və onların vasitəsilə tryukların icrasını reallaşdırır.
Mütəmadi olaraq Gildiya rəhbərliyi tərəfindən lokal və beynəlxalq Ustad Dərsləri, Seminar və Forumlar təşkil olunur. Bunun üçün yerli və xarici mütəxəssislər cəlb olunur və inkişaf üçün geniş şərait yaradılır
Azərbaycan Kaskadyorlar Gildiyası, Sain Fərhad və Sərxan Tağıyev tərəfindən 2025-ci ildə təsis edilmişdir. Gildiyanın yaradılmasına Azərbaycan Respublikası Mədəniyyət Nazirliyi rəhbərliyi tərəfindən də rəsmi dəstək göstərilmişdir. Azərbaycan Kaskadyorlar Gildiyası – ölkəmizdə kaskadyorluq sənətini inkişaf etdirmək, peşəkar kaskadyorları bir araya gətirmək və bu sahədə beynəlxalq standartlara uyğun xidmətlər təqdim etmək məqsədilə yaradılıb. Gildiyanın missiyasına – yerli istedadların yetişdirilməsinə dəstək vermək və audiovizual əsərlər üçün etibarlı əməkdaşlıq platforması yaratmaq da daxildir.
Filmlər
Reklamlar
Kliplər
Sənədli filmlər
Kinematoqrafçılar İttifaqları Konfederasiyası Azərbaycan Kinematoqrafçılar İttifaqının sədri, Azərbaycanın Xalq artisti Rasim Balayevin vəfatı ilə əlaqədar dərin hüzn içindədir. Azərbaycan kaskadyorlar Gildiyası adından səmimi başsağlığımızı qəbul edin.
Ətraflı
Azərbaycan Kinematoqrafçılar İttifaqının dəstəyi ilə Azərbaycan Kaskadyorlar Gildiyasının ilk daxili iclası keçirilmişdir. Görüş Gildiyanın fəaliyyətinin əsaslarının formalaşdırılması və gələcək inkişaf istiqamətlərinin müəyyən edilməsi baxımından mühüm əhəmiyyət kəsb edir.
Ətraflı
Sain Fərhad Ceki Çanın dublyoru, Qazaxstanlı Ramazan Amirqaliyev ilə görüşdü
Ətraflı
Yanvarın 26-da Azərbaycan Kinematoqrafçılar İttifaqında İzzət Kino Mükafatının ilk təqdimetmə mərasimi keçirilib.
Ətraflı
Kaskadyorlarımız "Atropatena" tammetrajlı tarixi filminin ərsəyə gəlməsində iştirak ediblər
Ətraflı
